ಚೆಕ್ಪೋಸ್ಟ್ನಲ್ಲಿ ತೀವ್ರಗೊಂಡ ತಪಾಸಣೆ: ದಾಖಲೆ ಇಲ್ಲದ 12 ಲಕ಼್ ರೂ. ಜಪ್ತಿ ಮಾಡಿದ ಪೊಲೀಸರು
ರಾಯಚೂರು: ದಾಖಲೆಗಳಿಲ್ಲದ 12 ಲಕ್ಷ ರೂ. ಹಣವನ್ನು ಪೊಲೀಸರು ಜಪ್ತಿ ಮಾಡಿದ ಘಟನೆ ರಾಯಚೂರಿನ ಕೊತ್ತದೊಡ್ಡಿಯಲ್ಲಿ ನಡೆದಿದೆ.
ಚುನಾವಣಾ ನೀತಿ ಸಂಹಿತೆ ಜಾರಿಗೂ ಮುನ್ನವೇ ರಾಯಚೂರು ಪೊಲೀಸರು ಚೆಕ್ಪೋಸ್ಟ್ಗಳಲ್ಲಿ ಅಲರ್ಟ್ ಆಗಿದ್ದಾರೆ. ತೆಲಂಗಾಣದ ಗದ್ವಾಲ್ ಜಿಲ್ಲೆಯ ತೊರೊವೋಪಡ್ಡಿ ಗ್ರಾಮದ ಶರವಣ ಮತ್ತು ಮದನ ಎಂಬುವವರು ಅಕ್ರಮವಾಗಿ 12 ಲಕ್ಷ ರೂ. ಹಣವನ್ನು ಸಾಗಿಸುತ್ತಿದ್ದರು.
ಕೊತ್ತದೊಡ್ಡಿ ಚೆಕ್ಪೋಸ್ಟ್ನಲ್ಲಿ ತಪಾಸಣೆ ವೇಳೆ ಅಕ್ರಮ ಹಣ ಸಾಗಾಟ ಕಂಡುಬಂದಿದೆ. ಕಾರಿನಲ್ಲಿ ಸಾಗಿಸುತ್ತಿದ್ದ ಹಣಕ್ಕೆ ಯಾವುದೇ ದಾಖಲೆಗಳು ಇಲ್ಲದಿರುವುದು ತಪಾಸಣೆ ವೇಳೆ ತಿಳಿದು ಬಂದಿದ್ದು, ಪೊಲೀಸರು ಹಣವನ್ನು ಜಪ್ತಿಗೊಳಿಸಿದ್ದಾರೆ.
