ಕ್ಯಾನ್ಸರ್ ಉಂಟುಮಾಡುವ ರಾಸಾಯನಿ ಬಳಕೆ ಆರೋಪ: ಲೋರಿಯಲ್ ಕಂಪೆನಿ ವಿರುದ್ಧ ಮೊಕದ್ದಮೆ ದಾಖಲು
ಯುಎಸ್ಎ: ಫ್ರೆಂಚ್ ಕಾಸ್ಮೆಟಿಕ್ ಕಂಪನಿ ಲೋರಿಯಲ್ (L’Oreal) ಹಾಗೂ ಇತರ ಕಂಪನಿಗಳ ವಿರುದ್ಧ 57 ಮೊಕದ್ದಮೆಗಳನ್ನು ದಾಖಲಿಸಲಾಗಿದೆ.
ಲೋರಿಯಲ್ ಮತ್ತು ಇತರ ಸೌಂದರ್ಯವರ್ಧಕ ಕಂಪನಿಗಳು ಕೂದಲನ್ನು ನೇರಗೊಳಿಸಲು ಮತ್ತು ಮೃದುಗೊಳಿಸಲು ಹಾನಿಕಾರಕ ರಾಸಾಯನಿಕಗಳನ್ನು ಬಳಸುತ್ತವೆ ಎಂದು ಚಿಕಾಗೋ ಫೆಡರಲ್ ನ್ಯಾಯಾಲಯವು ಪ್ರತಿಪಾದಿಸಿದೆ. ಇಂತಹ ಉತ್ಪನ್ನಗಳಿಂದ ಕ್ಯಾನ್ಸರ್ ಮತ್ತು ಇತರ ಕಾಯಿಲೆಗಳ ಅಪಾಯವಿದೆ ಎಂದಿದೆ.
ಈ ಉತ್ಪನ್ನಗಳಲ್ಲಿ ಬಳಸಲಾಗುವ ಅಪಾಯಕಾರಿ ರಾಸಾಯನಿಕಗಳ ಹಾನಿಯ ಬಗ್ಗೆ ಸೌಂದರ್ಯವರ್ಧಕ ಕಂಪನಿಗಳಿಗೆ ತಿಳಿದಿತ್ತು. ಆದರೆ, ಇದರ ಹೊರತಾಗಿಯೂ ಅವುಗಳನ್ನು ಮಾರಾಟ ಮಾಡುವುದನ್ನು ಮುಂದುವರೆಸಿದೆ ಎಂದು ಮೊಕದ್ದಮೆಗಳು ಹೇಳಿವೆ. ಯುಎಸ್ ಜಿಲ್ಲಾ ನ್ಯಾಯಾಧೀಶ ಮೇರಿ ರೋಲ್ಯಾಂಡ್ ಅವರು ಸೌಂದರ್ಯವರ್ಧಕ ಕಂಪನಿಗಳು ಬಳಸುವ ರಾಸಾಯನಿಕಗಳ ಬಗ್ಗೆ ತನಿಖೆಗೆ ಆದೇಶಿಸಿದ್ದಾರೆ.
L’Oréal SA ನ US ಅಂಗಸಂಸ್ಥೆ, ಭಾರತ ಮೂಲದ ಕಂಪನಿಗಳಾದ ಗೋದ್ರೇಜ್ ಸೋನ್ ಹೋಲ್ಡಿಂಗ್ಸ್ Inc. ಮತ್ತು Dabur International Ltd. ಅಂಗಸಂಸ್ಥೆಗಳ ಪ್ರತಿನಿಧಿಗಳ ಹೆಸರುಗಳನ್ನು ಸೇರಿಸಲಾಗಿದೆ. ಇದೇ ವೇಳೆ ತನ್ನ ವಿರುದ್ಧ ಆಧಾರ ರಹಿತ ಆರೋಪ ಮಾಡಲಾಗುತ್ತಿದೆ ಎಂದು ಲೋರಿಯಲ್ ಸಮರ್ಥಿಸಿಕೊಂಡಿದ್ದಾರೆ. ನಮ್ಮ ಕಂಪನಿಯ ಉತ್ಪನ್ನದಲ್ಲಿ ಯಾವುದೇ ಹಾನಿಕಾರಕ ರಾಸಾಯನಿಕಗಳನ್ನು ಬಳಸಲಾಗುವುದಿಲ್ಲ ಎಂದು ಕಂಪನಿ ಹೇಳಿಕೊಂಡಿದೆ.
