ಬಿಗ್‌ ಬ್ಯಾಷ್‌ ಲೀಗ್‌: 15 ರನ್‌ಗಳಿಗೆ ಆಲೌಟ್‌
ಸಿಡ್ನಿ: ಬಿಗ್‌ ಬ್ಯಾಷ್‌ ಲೀಗ್‌ನಲ್ಲಿ ಸಿಡ್ನಿ ಥಂಡರ್‌ ಕೇವಲ 15 ರನ್‌ಗಳಿಗೆ ಆಲೌಟ್‌ ಆಗುವ ಮೂಲಕ ಟಿ20 ಕ್ರಿಕೆಟ್‌ ಇತಿಹಾಸದಲ್ಲೇ ಅತಿ ಕಡಿಮೆ ರನ್‌ಗಳಿಸಿದ ತಂಡ ಎಂಬ ಕೆಟ್ಟ ದಾಖಲೆ ಬರೆದಿದೆ.
ಟಾಸ್‌ ಗೆದ್ದು ಮೊದಲು ಬ್ಯಾಟ್‌ ಮಾಡಿದ ಅಡಿಲೇಡ್ ಸ್ಟ್ರೈಕರ್ಸ್‌ 9 ವಿಕೆಟ್‌ ನಷ್ಟಕ್ಕೆ 139 ರನ್ ಗಳಿಸಿತು. 140 ರನ್‌ಗಳ ಗುರಿಯನ್ನು ಪಡೆದ ಸಿಡ್ನಿ ತಂಡ 5.5 ಓವರ್‌ ಎದುರಿಸಿ 15 ರನ್‌ಗಳಿಗೆ ಆಲೌಟ್‌ ಆಗಿದೆ.
124 ರನ್‌ಗಳ ಭರ್ಜರಿ ಗೆಲುವು, 4.375 ನೆಟ್‌ ರನ್ ರೇಟ್‌ನೊಂದಿಗೆ ಅಡಿಲೇಡ್ ಸ್ಟ್ರೈಕರ್ಸ್‌ ಬಿಬಿಎಲ್‌ ಅಂಕಪಟ್ಟಿಯಲ್ಲಿ ಮೊದಲ ಸ್ಥಾನಕ್ಕೆ ಜಿಗಿದಿದೆ.
ತಂಡದ ಆಟಗಾರರು ಕ್ರಮವಾಗಿ 0, 0, 3, 0, 2, 1, 1, 0, 0, 4, 1 ರನ್ ಗಳಿಸಿದ್ದಾರೆ. 1 ಲೆಗ್‌ಬೈ, 2 ವೈಡ್‌ ಎಸೆತದಿಂದಾಗಿ ಇತರೇ ರೂಪದಲ್ಲಿ 3 ರನ್ ಬಂದಿದೆ. ಹೆನ್ರಿ ಥಾರ್ನ್ಟನ್ 5 ವಿಕೆಟ್‌, ವೆಸ್ ಅಗರ್ 4 ವಿಕೆಟ್‌ ಕಿತ್ತರೆ ಮ್ಯಾಥ್ಯೂ ಶಾರ್ಟ್ 1 ವಿಕೆಟ್‌ ಪಡೆದರು
