ಪಾಕಿಸ್ತಾನ vs ಇಂಗ್ಲೆಂಡ್ ಟಿ20 ವಿಶ್ವಕಪ್ ಫೈನಲ್: “ಫೈನಲ್ ಲಕ್’ ಯಾರಿ?
ಮೆಲ್ಬರ್ನ್: ಒಂದೆಡೆ ಅದೃಷ್ಟ ಹಾಗೂ ಚರಿತ್ರೆಯನ್ನು ನಂಬಿ ಕೊಂಡಿರುವ ಪಾಕಿಸ್ಥಾನ, ಇನ್ನೊಂದೆಡೆ ಪ್ರಚಂಡ ಫಾರ್ಮ್ ನಲ್ಲಿರುವ ಇಂಗ್ಲೆಂಡ್- ಈ ಎರಡು ತಂಡಗಳ ಟಿ20 ವಿಶ್ವಕಪ್ ಫೈನಲ್ ಹಣಾಹಣಿಗೆ ರವಿವಾರ ಐತಿಹಾಸಿಕ “ಮೆಲ್ಬರ್ನ್ ಕ್ರಿಕೆಟ್ ಗ್ರೌಂಡ್’ ಸಾಕ್ಷಿಯಾಗಲಿದೆ.
ಇವೆರಡೂ ಮಾಜಿ ಚಾಂಪಿಯನ್ಗಳಾಗಿದ್ದು, ಎರಡನೇ ಸಲ ಕಪ್ ಎತ್ತಲು ತುದಿಗಾಲಲ್ಲಿ ನಿಂತಿವೆ. “ಫೈನಲ್ ಲಕ್’ ಯಾರಿಗೆ ಎಂಬುದನ್ನು ಊಹಿಸಲಿಕ್ಕೂ ಆಗದ ಸ್ಥಿತಿ ಇದೆ.
