ಮಹಾಲಕ್ಷ್ಮಿ ಲೇಔಟ್ ನಲ್ಲಿ ಒಂದೇ ಕುಟುಂಬದ ಮೂವರ ಮೃತದೇಹ ಪತ್ತೆ: ಆತ್ಮಹತ್ಯೆ ಶಂಕೆ

ಬೆಂಗಳೂರು: ಮಹಾಲಕ್ಷ್ಮಿ ಲೇಔಟ್ ಠಾಣೆ ವ್ಯಾಪ್ತಿಯ ಮನೆಯೊಂದರಲ್ಲಿ ಒಂದೇ ಕುಟುಂಬದ ಮೂವರ ಮೃತದೇಹ ಪತ್ತೆಯಾಗಿದ್ದು, ಆತ್ಮಹತ್ಯೆ ಶಂಕೆ ವ್ಯಕ್ತವಾಗಿದೆ.

‘ಯಶೋಧಾ (70), ಅವರ ಮಗಳು ಸುಮನಾ (41) ಹಾಗೂ ಮಗ ನರೇಶ್ (36) ಎಂಬುವರ ಮೃತದೇಹಗಳು ಪತ್ತೆಯಾಗಿವೆ.‌ ಮೂವರು ವಿಷ ಕುಡಿದು ಆತ್ಮಹತ್ಯೆ ಮಾಡಿಕೊಂಡಿರುವ ಅನುಮಾನವಿದೆ’ ಎಂದು ಪೊಲೀಸರು ಹೇಳಿದರು.

‘ಯಶೋಧಾ ಅವರಿಗೆ ಮೂವರು ಮಕ್ಕಳಿದ್ದಾರೆ. ಒಬ್ಬ ಮಗಳಿಗೆ ಮದುವೆಯಾಗಿದ್ದು, ರಾಜಾಜಿನಗರದಲ್ಲಿ‌ ಪತಿ ಜೊತೆ ವಾಸವಿದ್ದಾರೆ. ಸುಮನಾ ಹಾಗೂ ನರೇಶ್ ಜೊತೆ ಯಶೋಧಾ ವಾಸವಿದ್ದರು. ನರೇಶ್, ಗುತ್ತಿಗೆದಾರರಾಗಿ ಕೆಲಸ‌ ಮಾಡುತ್ತಿದ್ದರು.