ಕಾಸರಗೋಡು: ಎಂಡಿಎಂಎ ಮಾದಕ ವಸ್ತು ಸಾಗಾಟ: ಮೂವರ ಬಂಧನ, ಮಾದಕ ವಸ್ತು, ಸ್ಕೂಟರ್ ವಶ

ಕಾಸರಗೋಡು: ಎಂಡಿಎಂಎ ಮಾದಕ ವಸ್ತು ಸಹಿತ ಮೂವರನ್ನು ಮಂಜೇಶ್ವರ ಠಾಣಾ ಪೊಲೀಸರು ಬಂಧಿಸಿ, ಸ್ಕೂಟರ್ ವಶಪಡಿಸಿಕೊಂಡಿರುವ ಘಟನೆ ನಡೆದಿದೆ.

ಉಪ್ಪಳ ಕೋಡಿಬೈಲ್ ನ ಮುಹಮ್ಮದ್ ಕಾಸಿಂ(43), ಮಂಜೇಶ್ವರ ಮಚ್ಛಂಪಾಡಿಯ ಅಬ್ದುಕ್ ನವಾಜ್(28) ಮತ್ತು ಉಪ್ಪಳ ಬಪ್ಪಾಯಿತ್ತೊಟ್ಟಿಯ ಮುಹಮ್ಮದ್ ನಾಸಿರ್(33) ಬಂಧಿತರು. ಇವರ ಬಳಿಯಿಂದ 18. 2 ಗ್ರಾಂ ಎಂಡಿಎಂಎ ಮಾದಕ ವಸ್ತುವನ್ನು ವಶಪಡಿಸಿಕೊಳ್ಳಲಾಗಿದೆ.

ಸೋಮವಾರ ರಾತ್ರಿ ಉಪ್ಪಳ ಮಣ್ಣಂಗುಯಿ ಸ್ಟೇಡಿಯಂ ಬಳಿ ಇವರನ್ನು ಬಂಧಿಸಿ ಮಾದಕವಸ್ತುವನ್ನು ವಶಪಡಿಸಿಕೊಳ್ಳಲಾಗಿದೆ. ಸ್ಕೂಟನ್ನು ತಪಾಸಣೆ ನಡೆಸಿದಾಗ ಮಾದಕ ವಸ್ತು ಕಂಡುಬಂದಿದೆ.