ಕರ್ನಾಟಕ ಸೇರಿ ಹಲವು ಕಡೆ ಅಮೆರಿಕಾದ ಆ್ಯಕ್ಟ್ಸನ್‌ ಲಸಿಕೆ ಪ್ರಯೋಗ
ನವದೆಹಲಿ: ಅಮೆರಿಕದ ಆ್ಯಕ್ಟ್ಸನ್‌ ಬಯೋಸೈನ್ಸಸ್‌ ಅಭಿವೃದ್ಧಿಪಡಿಸಿರುವ ಕೊರೊನಾ ಲಸಿಕೆಯ ಪ್ರಯೋಗಾರ್ಥ ಪರೀಕ್ಷೆ ದೇಶದಲ್ಲಿಯೂ ಶೀಘ್ರವೇ ಶುರುವಾಗಲಿದೆ. ಕರ್ನಾಟಕ, ಮಹಾರಾಷ್ಟ್ರ, ತಮಿಳುನಾಡು, ರಾಜಸ್ಥಾನ, ಗುಜರಾತ್‌ನ ಪ್ರಮುಖ ಆಸ್ಪತ್ರೆಗಳಲ್ಲಿ ಅದರ ಪ್ರಯೋಗ ನಡೆಯಲಿದೆ.
ಪ್ರಸ್ತಾವಿತ ಲಸಿಕೆ ಅತ್ಯಂತ ಕಡಿಮೆ ದರದ ಲಸಿಕೆ ಆ್ಯಕ್ಟ್ಸನ್‌ ನದ್ದು ಎಂದು ಹೇಳಲಾಗುತ್ತಿದೆ. ಸದ್ಯ ಸಿದ್ಧಗೊಳಿಸಲಾಗಿರುವ ಲಸಿಕೆಯ ಮಾದರಿಯನ್ನು ಹಿಮಾಚಲ ಪ್ರದೇಶದ ಕಸೌಲಿಯಲ್ಲಿರುವ ಕೇಂದ್ರೀಯ ಔಷಧ ಪ್ರಯೋಗಶಾಲೆಗೆ ರವಾನಿಸಲಾಗಿದೆ.
ಅಲ್ಲಿ ಅದರ ಪರೀಕ್ಷೆ ನಡೆಯಲಿದೆ. ಸದ್ಯ ಲಸಿಕೆಗೆ ಎಕೆಎಸ್‌-452 ಎಂಬ ಹೆಸರು ನೀಡಲಾಗಿದೆ. ಕನಿಷ್ಠ 6 ತಿಂಗಳ ಕಾಲ ಲಸಿಕೆಯನ್ನು 25 ಡಿಗ್ರಿ ಸೆಲ್ಸಿಯಸ್ ನಲ್ಲಿ, 1 ತಿಂಗಳ ಅವಧಿಗೆ 37 ಡಿಗ್ರಿ ಸೆಲ್ಸಿಯಸ್‌ವರೆಗೆ ಇರಿಸಲು ಅವಕಾಶ ನೀಡಲಾಗಿದೆ.
