ಮಂಜೇಶ್ವರ: ನೇಣು ಬಿಗಿದ ಸ್ಥಿತಿಯಲ್ಲಿ ಮಹಿಳೆ ಮೃತದೇಹ ಪತ್ತೆ
ಮಂಜೇಶ್ವರ: ಮಹಿಳೆ ಯೋರ್ವರು ನೇಣು ಬಿಗಿದ ಸ್ಥಿತಿಯಲ್ಲಿ ಮೃತದೇಹ ಪತ್ತೆಯಾದ ಘಟನೆ ಉಪ್ಪಳ ಸೋಂಕಾಲು ಎಂಬಲ್ಲಿ ನಡೆದಿದೆ.
ಸೋಂಕಾಲು ಕೊಡಂಗೆ ರಸ್ತೆಯ ಮೊಯ್ದೀನ್ ಸವಾದ್ ರವರ ಪತ್ನಿ ಫಾತಿಮ್ಮತ್ ನಬೀನಾ( 25) ಮೃತಪಟ್ಟವರು. ಐದು ತಿಂಗಳ ಮಗುವಿನ ತಾಯಿಯಾದ ಈಕೆಯು ಮನೆಯ ಬೆಡ್ ರೂಂ ನ ಕಿಟಿಕಿಯಲ್ಲಿ ನೇಣು ಬಿಗಿದ ಸ್ಥಿತಿಯಲ್ಲಿ ಗುರುವಾರ ಸಂಜೆ ಪತ್ತೆಯಾಗಿದ್ದು, ಮನೆಯವರು ಮಂಗಳೂರಿನ ಆಸ್ಪತ್ರೆಗೆ ಕೊಂಡೊಯ್ದು ರೂ ಆಗಲೇ ಮೃತಪಟ್ಟಿದ್ದರು.
ಕೃತ್ಯಕ್ಕೆ ಸ್ಪಷ್ಟ ಕಾರಣ ತಿಳಿದು ಬಂದಿಲ್ಲ. ಮಂಜೇಶ್ವರ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ನಡೆಸುತ್ತಿದ್ದಾರೆ.
