ಕಾಸರಗೋಡು: ಸುಲ್ತಾನ್ ಗೋಲ್ಡ್ ನಿಂದ ಕೋಟ್ಯಾಂತರ ರೂ. ಮೌಲ್ಯದ ಚಿನ್ನಾಭರಣ ದೋಚಿದ ಪ್ರಕರಣ:
ಪ್ರಮುಖ ಆರೋಪಿ ಬಂಟ್ವಾಳದ ಫಾರೂಕ್ ಬಂಧನ
ಕಾಸರಗೋಡು: ಸುಲ್ತಾನ್ ಗೋಲ್ಡ್ ಆ್ಯಂಡ್ ಡೈಮಂಡ್ಸ್ ಕಾಸರಗೋಡು ಶಾಖೆಯಿಂದ 2.88 ಕೋಟಿ ರೂ.ಮೌಲ್ಯದ ವಜ್ರಾಭರಣ ಕಳವುಗೈದ ಪ್ರಕರಣದ ಪ್ರಮುಖ ಆರೋಪಿ ಡೈಮಂಡ್ಸ್ ವಿಭಾಗದ ಮ್ಯಾನೇಜರ್ ಫಾರೂಕ್ ನನ್ನು ಬಂಧಿಸಲಾಗಿದೆ.
ಮಂಗಳೂರು ಬಂಟ್ವಾಳದ ನಿವಾಸಿ ಮೊಹಮ್ಮದ್ ಫಾರೂಕ್ ಎಂಬಾತನನ್ನು ಕಾಸರಗೋಡು ಡಿವೈಎಸ್ಪಿ ಪಿ. ಬಾಲಕೃಷ್ಣನ್ ನಾಯರ್ ನೇತೃತ್ವದ ಪೊಲೀಸ್ ತಂಡ ಬಂಧಿಸಿದೆ.
ಮೊಹಮ್ಮದ್ ಫಾರೂಕ್ ನನ್ನು ನಿನ್ನೆ ರಾತ್ರಿ ಕರ್ನಾಟಕದಿಂದ ಬಂಧಿಸಲಾಗಿದೆ. ಫಾರೂಕ್ ನನ್ನು ಪೊಲೀಸರು ವಿವರವಾಗಿ ವಿಚಾರಣೆ ನಡೆಸುತ್ತಿದ್ದಾರೆ. ಪ್ರಕರಣದ ಎರಡನೇ ಆರೋಪಿ ಮೊಹಮ್ಮದ್ ಫಾರೂಕ್ ಅವರ ಸಹೋದರ ಇಮ್ರಾನ್ ಶಾಫಿ (36) ಯನ್ನು ಡಿಸೆಂಬರ್ 11 ರಂದು ಬಂಧಿಸಲಾಗಿತ್ತು. ಸದ್ಯ ಇಮ್ರಾನ್ ಶಾಫಿ ರಿಮಾಂಡ್ ನಲ್ಲಿದ್ದಾರೆ. ನಂತರ ಇಮ್ರಾನ್ ನನ್ನು ಪೊಲೀಸ್ ಕಸ್ಟಡಿಗೆ ಪಡೆದು ಹೆಚ್ಚಿನ ವಿಚಾರಣೆ ನಡೆಸಿ ಸಾಕ್ಷ್ಯಾಧಾರಕ್ಕೆ ಒಳಪಡಿಸಲಾಯಿತು.
ಸುಲ್ತಾನ್ ಜ್ಯುವೆಲ್ಲರಿ ಎಂಡಿ ಅಬ್ದುಲ್ ರವೂಫ್ ನೀಡಿದ ದೂರಿನ ಮೇರೆಗೆ ಕಾಸರಗೋಡು ನಗರ ಠಾಣೆ ಪೊಲೀಸರು ಮೊಹಮ್ಮದ್ ಫಾರೂಕ್ ಮತ್ತು ಇಮ್ರಾನ್ ಶಾಫಿ ವಿರುದ್ಧ ಪ್ರಕರಣ ದಾಖಲಿಸಿಕೊಂಡಿದ್ದರು.
ಪೊಲೀಸರು ತನಿಖೆ ನಡೆಸುತ್ತಿರುವಾಗಲೇ ಫಾರೂಕ್ ತಲೆಮರೆಸಿಕೊಂಡಿದ್ದಾನೆ. ಫಾರೂಕ್ ಪತ್ತೆಗೆ ಪೊಲೀಸರು ಲುಕೌಟ್ ನೋಟಿಸ್ ಜಾರಿ ಮಾಡಿದ್ದು, ಬೇರೆ ರಾಜ್ಯಗಳಲ್ಲೂ ವಿಚಾರಣೆ ನಡೆಸುತ್ತಿದ್ದರು.
ಇದೇ ವೇಳೆ ಫಾರೂಕ್ ಸಹೋದರ ಇಮ್ರಾನ್ ಶಾಫಿಯನ್ನು ಪೊಲೀಸರು ಬಂಧಿಸಿದ್ದಾರೆ. ಜ್ಯುವೆಲ್ಲರಿಯಿಂದ ಕದ್ದ ವಜ್ರ ಮತ್ತು ಚಿನ್ನವನ್ನು ಫಾರೂಕ್ ಸಹೋದರನಿಗೆ ಹಸ್ತಾಂತರಿಸಿರುವುದು ಬೆಳಕಿಗೆ ಬಂದ ಹಿನ್ನೆಲೆಯಲ್ಲಿ ಪೊಲೀಸರು ಪ್ರಕರಣದಲ್ಲಿ ಇಮ್ರಾನ್ ಶಾಫಿ ಅವರನ್ನು ಎರಡನೇ ಆರೋಪಿ ಎಂದು ಹೆಸರಿಸಿದ್ದಾರೆ. ಇವರಿಬ್ಬರು ಐದು ಬ್ಯಾಂಕ್ಗಳಲ್ಲಿ 50 ಲಕ್ಷ ರೂಪಾಯಿ ಚಿನ್ನದ ಸಾಲ ಪಡೆದಿರುವುದು ತನಿಖೆಯಿಂದ ಬೆಳಕಿಗೆ ಬಂದಿದೆ.
