ಮಹಿಳೆ ಮೇಲೆ ಶೋಷಣೆ, ಹಲ್ಲೆ ಆರೋಪ: RCB ವೇಗಿ ಯಶ್ ದಯಾಳ್ ವಿರುದ್ಧ FIR ದಾಖಲು
ಉತ್ತರ ಪ್ರದೇಶ: ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಭಾರತದ ವೇಗಿ ಯಶ್ ದಯಾಳ್ ವಿರುದ್ಧ ಮದುವೆಯ ನೆಪದಲ್ಲಿ ಶೋಷಣೆಯ ದೂರು ದಾಖಲಿಸಲಾಗಿದ್ದು, ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಗಾಜಿಯಾಬಾದ್’ನ ಮಹಿಳೆ ಮುಖ್ಯಮಂತ್ರಿಗಳ ಆನ್ಲೈನ್ ದೂರು ಪೋರ್ಟಲ್ ಐಜಿಆರ್ಎಸ್ನಲ್ಲಿ ದೂರು ದಾಖಲಿಸಿದ್ದಾರೆ ಎಂದು ವರದಿಯಾಗಿದೆ.
ಉತ್ತರ ಪ್ರದೇಶ ಮುಖ್ಯಮಂತ್ರಿ ಕಚೇರಿ ಗಾಜಿಯಾಬಾದ್’ನ ಇಂದಿರಾಪುರಂನ ವೃತ್ತ ಅಧಿಕಾರಿ (CO) ಅವರಿಂದ ವರದಿ ಕೇಳಿದೆ ಮತ್ತು ಐಜಿಆರ್ಎಸ್ನಲ್ಲಿ ದಾಖಲಾಗಿರುವ ದೂರನ್ನು ಪರಿಹರಿಸಲು ಪೊಲೀಸರಿಗೆ ಜುಲೈ 21 ರವರೆಗೆ ಸಮಯ ನೀಡಲಾಗಿದೆ ಎಂದು ಮೂಲಗಳು ತಿಳಿಸಿವೆ. ಜೂನ್ 14, 2025 ರಂದು ಮಹಿಳಾ ಸಹಾಯವಾಣಿಯಲ್ಲಿಯೂ ಬಾಲಕಿ ದೂರು ದಾಖಲಿಸಿದ್ದಳು.
ಮಹಿಳೆ ಸಲ್ಲಿಸಿದ ಎಫ್ಐಆರ್ನಲ್ಲಿ ದಯಾಳ್ ಜೊತೆ ಐದು ವರ್ಷಗಳ ಸಂಬಂಧವಿದ್ದು, ತನ್ನನ್ನು ಮಾನಸಿಕವಾಗಿ ಮತ್ತು ದೈಹಿಕವಾಗಿ ಶೋಷಣೆ ಮಾಡಿದ್ದಾನೆ ಎಂದು ಹೇಳಲಾಗಿದೆ. ಸಂಬಂಧದ ಸಮಯದಲ್ಲಿ ವೇಗಿ ತನ್ನಿಂದ ಹಣ ಪಡೆದಿದ್ದ ಮತ್ತು ಹಿಂದೆ ಅನೇಕ ಮಹಿಳೆಯರೊಂದಿಗೆ ಅದೇ ರೀತಿ ಮಾಡಿದ್ದ ಎಂದು ಹೇಳಿಕೆಯಲ್ಲಿ ಹೇಳಲಾಗಿದೆ.
