ವಂದೇ ಭಾರತ್ ರೈಲಿಗೆ ಚಾಲನೆ ನೀಡುವಾ ನೂಕಾಟ-ತಳ್ಳಾಟ: ಹಳಿಯ ಮೇಲೆ ಉರುಳಿ ಬಿದ್ದ ಬಿಜೆಪಿ ಶಾಸಕಿ
ಹೊಸದಿಲ್ಲಿ: ಭಾರತೀಯ ಜನತಾ ಪಕ್ಷ (ಬಿಜೆಪಿ) ಶಾಸಕಿ ಸರಿತಾ ಭಡೋರಿಯಾ ಸೋಮವಾರ ವಂದೇ ಭಾರತ್ ರೈಲಿಗೆ ಚಾಲನೆ ನೀಡುವ ವೇಳೆ ಕೂದಲೆಳೆ ಅಂತರದಿಂದ ಅಪಾಯದಿಂದ ಪಾರಾಗಿದ್ದಾರೆ.
ಆಗ್ರಾ ಕಂಟೋನ್ಮೆಂಟ್ – ಬನಾರಸ್ ನಡುವಿನ ವಂದೇ ಭಾರತ್ ರೈಲಿಗೆ ಉತ್ತರ ಪ್ರದೇಶದ ಇಟಾವಾ ಜಂಕ್ಷನ್ನಲ್ಲಿ ಚಾಲನೆ ನೀಡುವ ವೇಳೆ ಭಾರತೀಯ ಜನತಾ ಪಕ್ಷದ ಶಾಸಕಿ ಸರಿತಾ ಭಡೋರಿಯಾ ಕಾಲು ಜಾರಿ ಟ್ರ್ಯಾಕ್ಗೆ ಬಿದ್ದಿದ್ದರು.
ಪ್ಲ್ಯಾಟ್ಫಾರಂನಲ್ಲಿ ನೂಕಾಟ ತಳ್ಳಾಟ ನಡೆದಿತ್ತು. ಈ ವೇಳೆ ಭದ್ರತಾ ಸಿಬ್ಬಂದಿಯೊಬ್ಬರು ಆಯತಪ್ಪಿ ಶಾಸಕಿ ಸರಿತಾ ಭಡೋರಿಯಾ ಅವರನ್ನು ತಳ್ಳಿದ್ದರಿಂದ ಅವರು ರೈಲ್ವೆ ಹಳಿ ಮೇಲೆ ಬಿದ್ದರು.
