100ನೇ ಸಂಚಿಕೆ ಪೂರೈಸಿದ ಮನ್ ಕಿ ಬಾತ್ ಕಾರ್ಯಕ್ರಮ: ದೇಶದ ಜನತೆಗೆ ಕೃತಜ್ಞತೆ ಸಲ್ಲಿಸಿದ ಪ್ರಧಾನಿ ಮೋದಿ

ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿಯವರ ಮಾಸಿಕ ಜನಪ್ರಿಯ ರೇಡಿಯೋ ಕಾರ್ಯಕ್ರಮ ‘ಮನ್ ಕಿ ಬಾತ್’ ಭಾನುವಾರ ತನ್ನ 100 ನೇ ಸಂಚಿಕೆಯನ್ನು ಪೂರೈಸಿದ್ದು, ದೇಶದ ಜನತೆಗೆ ಪ್ರಧಾನಿ ಕೃತಜ್ಞತೆ ಸಲ್ಲಿಸಿದ್ದಾರೆ.

ಮನ್ ಕಿ ಬಾತ್’ ಭಾನುವಾರದ100 ನೇ ಸಂಚಿಕೆಯನ್ನು ನ್ಯೂಯಾರ್ಕ್‌ನಲ್ಲಿರುವ ವಿಶ್ವಸಂಸ್ಥೆಯ ಪ್ರಧಾನ ಕಛೇರಿಯಲ್ಲಿ ನೇರ ಪ್ರಸಾರ ಮಾಡಲಾಗಿತ್ತು.

ಈ ವೇಳೆ ಮಾತನಾಡಿದ ಪ್ರಧಾನಿ ಮೋದಿ, ನಮ್ಮ ನಾರಿ ಶಕ್ತಿಯ ಶಕ್ತಿ ಮತ್ತು ‘ಲೋಕಲ್ ಫಾರ್ ವೋಕಲ್’ ಎಂಬ ಮನೋಭಾವವನ್ನು ಹೆಚ್ಚಿಸುವ ಬದ್ಧತೆಯು ಭಾರತವನ್ನು ಹೊಸ ಎತ್ತರಕ್ಕೆ ಕೊಂಡೊಯ್ಯಬಹುದು. ಮಣಿಪುರದ ಬಿಜಯ್ ಶಾಂತಿ ಜಿ ಅವರ ದೃಢ ನಿರ್ಧಾರದ ಬಗ್ಗೆ ತಿಳಿದುಕೊಳ್ಳಲು ಸಂತೋಷವಾಗುತ್ತದೆ ಎಂದರು.

ಇನ್ನು ನಾವು ಮನ್ ಕಿ ಬಾತ್ ಮೂಲಕ ಸ್ವಾವಲಂಬನೆಯ ಅನೇಕ ಸ್ಪೂರ್ತಿದಾಯಕ ಜೀವನ ಪ್ರಯಾಣಗಳನ್ನು ಆಚರಿಸಿದ್ದೇವೆ. ಇಂದು ಜಾಗತಿಕವಾಗಿ ಪ್ರಯಾಣಿಸಿದ ಪೆನ್ಸಿಲ್‌ಗಳನ್ನು ತಯಾರಿಸುವ ಜಮ್ಮು ಮತ್ತು ಕಾಶ್ಮೀರದ ಗಮನಾರ್ಹ ಮಂಜೂರ್ ಅಹ್ಮದ್ ಜಿ ಅವರೊಂದಿಗೆ ಮಾತನಾಡಿದೆ ಎಂದಿದ್ದಾರೆ.