ಬೆಳ್ತಂಗಡಿ: ಕಾಜೂರು ಉರೂಸ್ ಗೆ ತೆರಳುತ್ತಿದ್ದಾಗ ರಿಕ್ಷಾ ಅಪಘಾತ: ಮಹಿಳೆ ಮೃತ್ಯು
ಬೆಳ್ತಂಗಡಿ: ಕಾಜೂರು ಉರೂಸ್ ಗೆ ತೆರಳುತ್ತಿದ್ದಾಗ ರಿಕ್ಷಾ ಪಲ್ಟಿಯಾಗಿ ಸಂಭವಿಸಿದ ಅಪಘಾತದಲ್ಲಿ ಮಹಿಳೆ ಮೃತಪಟ್ಟ ಘಟನೆ ಬೆಳ್ತಂಗಡಿಯಲ್ಲಿ ನಡೆದಿದೆ.
ಕಕ್ಕಿಂಜೆ ಕತ್ತರಿ ಗುಡ್ಡೆಯ ಸಫೀಯಾ( 55) ಮೃತಪಟ್ವವರು. ಇವರು ಕಾಜೂರು ಉರೂಸ್ ಹಿನ್ನೆಲೆ ಕಕ್ಕಿಂಜೆಯಿಂದ ರಿಕ್ಷಾದಲ್ಲಿ ನಿನ್ನೆ ರಾತ್ರಿ ತೆರಳಿದ್ದರು. ಮುಂಡಾಜೆ ಸೋಮತ್ತಡ್ಕ ಚಡಾವು ಬಳಿ ರಿಕ್ಷಾ ನಿಯಂತ್ರಣ ತಪ್ಪಿ ನದಿಗೆ ಬಿದ್ದು ಅಪಘಾತ ಸಂಭವಿಸಿದೆ.
ಘಟನೆಯಲ್ಲಿ ಸಫೀಯಾ ಸ್ಥಳದಲ್ಲೇ ಮೃತಪಟ್ಟಿದ್ದು, ಉಳಿದವರಿಗೆ ಸಣ್ಣಪುಟ್ಟ ಗಾಯಗಳಾಗಿದೆ. ಸಫೀಯಾ ಮೃತದೇಹ ಬೆಳ್ತಂಗಡಿ ಆಸ್ಪತ್ರೆಗೆ ರವಾನಿಸಲಾಗಿದೆ.
