ಅಮೂಲ್ ಹಾಲಿನ ದರದಲ್ಲಿ ಲೀಟರಿಗೆ 2 ರೂ. ಹೆಚ್ಚಳ
ಆನಂದ್: ಗುಜರಾತ್ ಸಹಕಾರ ಹಾಲು ಮಾರಾಟ ಮಹಾಮಂಡಳವು (ಜಿಸಿಎಂಎಂಎಫ್) ಅಮೂಲ್ ಬ್ರ್ಯಾಂಡ್ ಅಡಿಯಲ್ಲಿ ಮಾರಾಟ ಮಾಡುವ ಹಾಲಿನ ದರವನ್ನು ಲೀಟರಿಗೆ ₹ 2ರಷ್ಟು ಹೆಚ್ಚಿಸಿದೆ.
‘ಗೋಲ್ಡ್’, ‘ತಾಜಾ’ ಮತ್ತು ‘ಶಕ್ತಿ’ ಹೆಸರಿನಲ್ಲಿ ಮಾರಾಟವಾಗುವ ಹಾಲಿನ ಬೆಲೆ ಬುಧವಾರದಿಂದ ಜಾಸ್ತಿ ಆಗಲಿದೆ ಎಂದು ಪ್ರಕಟಣೆ ತಿಳಿಸಿದೆ.
ಉತ್ಪಾದನಾ ವೆಚ್ಚ ಹೆಚ್ಚಾಗಿರುವ ಕಾರಣ ಈ ಬೆಲೆ ಏರಿಕೆ ಎಂದು ಅದು ಹೇಳಿದೆ. ಒಂದು ವರ್ಷದಲ್ಲಿ ಪಶು ಆಹಾರದ ಬೆಲೆಯು ಸರಿಸುಮಾರು ಶೇಕಡ 20ರಷ್ಟು ಜಾಸ್ತಿ ಆಗಿದೆ ಎಂದು ಮಹಾಮಂಡಳವು ತಿಳಿಸಿದೆ. ಗ್ರಾಹಕರು ನೀಡುವ ಹಣದಲ್ಲಿ ಶೇ 80ರಷ್ಟನ್ನು ಅಮುಲ್, ಹಾಲು ಉತ್ಪಾದಕರಿಗೆ ವರ್ಗಾಯಿಸುತ್ತದೆ.
