ಸುಳ್ಯ: ಪಾದಚಾರಿ ಮಹಿಳೆಗೆ ಸ್ಕೂಟರ್ ಡಿಕ್ಕಿ: ಮಹಿಳೆ ಗಂಭೀರ

ಸುಳ್ಯ: ಓಡಬಾಯ್ ಸಮೀಪ ರಸ್ತೆ ದಾಟುತಿದ್ದ ಮಹಿಳೆ ಯೋರ್ವರಿಗೆ ಸುಳ್ಯ ಕಡೆಯಿಂದ ಬರುತ್ತಿದ್ದ ಡಿಯೋ ಸ್ಕೂಟಿ ಡಿಕ್ಕಿಯಾಗಿ ಮಹಿಳೆ ಗಂಭೀರ ಗಾಯಗೊಂಡ ಘಟನೆ ಇಂದು ಸಂಜೆ ವರದಿಯಾಗಿದೆ.

ಘಟನೆಯಿಂದ ಮಹಿಳೆಯ ಕಾಲು ಮತ್ತು ತಲೆಯ ಭಾಗಕ್ಕೆ ತೀವ್ರ ಗಾಯವಾಗಿದ್ದು, ಸ್ಥಳೀಯರು ಸುಳ್ಯ ಆಸ್ಪತ್ರೆಗೆ ದಾಖಲಿಸಿದ್ದರು. ಪ್ರಥಮ ಚಿಕಿತ್ಸೆಯ ಬಳಿಕ ಹೆಚ್ಚಿನ ಚಿಕಿತ್ಸೆಗೆ ಮಹಿಳೆಯನ್ನು ಮಂಗಳೂರು ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ತಿಳಿದುಬಂದಿದೆ.
ಗಾಯಗೊಂಡ ಮಹಿಳೆ ಸುಳ್ಯ ಶಾಂತಿನಗರ ಬೆಟ್ಟಂಪಾಡಿ ನಿವಾಸಿ ಕರಿಯಪ್ಪ ಮಣಿಯಾಣಿ ರವರ ಪತ್ನಿ ದುಗ್ಗಮ್ಮ 68 ವರ್ಷ ಎಂದು ತಿಳಿದುಬಂದಿದೆ.

ದ್ವಿಚಕ್ರ ವಾಹನ ಚಾಲಕ ಶಾಂತಿನಗರ ಮೂಲದ ಪ್ರಸನ್ನ ಎಂದು ತಿಳಿದುಬಂದಿದೆ. ಘಟನೆ ಸಂದರ್ಭ ವಾಹನದ ಹಿಂಬದಿ ಸವಾರನಿಗೂ ಹಾಗೂ ಚಾಲಕ ಪ್ರಸನ್ನ ನಿಗೂ ಕಾಲಿಗೆ ಸ್ವಲ್ಪ ಗಾಯವಾಗಿದ್ದು, ಸುಳ್ಯ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದಿದ್ದಾರೆ.