ಕಾಸರಗೋಡು: ಕೋವಿ ತೋರಿಸಿ 10.20 ಲಕ್ಷ ರೂ ದರೋಡೆ: ನಾಲ್ಕು ಮಂದಿ ಆರೋಪಿಗಳ ಬಂಧನ
ಕಾಸರಗೋಡು: ಕ್ವಾರಿ ಮೆನೇಜರ್ ನನ್ನು ಅಡ್ಡಗಟ್ಟಿ ಕೋವಿ ತೋರಿಸಿ ಬೆದರಿಸಿ 10.20 ಲಕ್ಷ ರೂ ದರೋಡೆಗೈದ ತಂಡದ ನಾಲ್ಕು ಮಂದಿಯನ್ನು ಬಂಧಿಸುವಲ್ಲಿ ಕಾಸರಗೋಡು ಪೊಲೀಸರು ಯಶಸ್ವಿಯಾಗಿದ್ದಾರೆ.
ಬಿಹಾರ ಮೂಲದವರಾದ ಮುಹಮ್ಮದ್ ಇಬ್ರಾಹಿಂ ಆಲಂ(21), ಮುಹಮದ್ ಮಾಲಿಕ್(21), ಮುಹಮ್ಮದ್ ಫಾರೂಕ್(26) ಎಂಬವರನ್ನು ಕರ್ಣಾಟಕ ಪೊಲೀಸರ ನೆರವಿನೊಂದಿಗೆ ಮಂಗಳೂರಿನಿಂದಲೂ ಅಸ್ಸಾಂ ನಿವಾಸಿ ಧನಂಜಯ (21) ಎಂಬಾತನನ್ನು ಕಾಞಂಗಾಡಿನಿಂದಲೂ ಬಂಧಿಸಲಾಗಿದೆ.
ಬುಧವಾರ ಸಾಯಂಕಾಲ ಈ ದರೋಡೆ ಘಟನೆ ನಡೆದಿತ್ತು. ಕಾಞಂಗಾಡಿನಲ್ಲಿ ಕಾರ್ಯಾಚರಿಸುತ್ತಿರುವ ಜಾಸ್ ಗ್ರೆನೇಟ್ ಅಗ್ರಿಗೇಟ್ ಪ್ರೈವೇಟ್ ಲಿಮಿಟೆಡ್ ಕಂಪನಿಯ ಮೆನೇಜರ್ ಕೋಜಿಕ್ಕೋಡ್ ನಿವಾಸಿ ಪಿ.ಪಿ.ರವೀಂದ್ರನ್(56)ರನ್ನು ಅಡ್ಡಗಟ್ಟಿ ದರೋಡೆ ನಡೆಸಲಾಗಿತ್ತು.
