ನದಿಯಲ್ಲಿ ಹಾಕಿದ ಬಲೆಗೆ ಬಿದ್ದ ಬೃಹತ್ ಗಾತ್ರದ ಮೀನು
ಬಾಗಲಕೋಟ: ಜಿಲ್ಲೆಯ ಮುಧೋಳ ತಾಲ್ಲೂಕಿನ ಮಾಚಕನೂರ ಬಳಿಯ ಘಟಪ್ರಭಾ ನದಿಯಲ್ಲಿ ಬೃಹತ್ ಗಾತ್ರದ ಮೀನೊಂದು ಬಲೆಗೆ ಬಿದ್ದಿದೆ.
ಈ ಮೀನಿನ ತೂಕ ಬರೋಬ್ಬರಿ 15 ಕೆ.ಜಿ ಇದ್ದು, ಬಾರಿ ಗಾತ್ರದ ಮೀನು ಕಂಡು ಗ್ರಾಮಸ್ಥರು ಅಚ್ಚರಿಗೊಂಡಿದ್ದಾರೆ. ಎಂದಿನಂತೆ ರೇವಣ್ಣ ಕೆಂಚಪ್ಪಗೋಳ ಎಂಬುವವರು ಮೀನು ಹಿಡಿಯಲು ಘಟಪ್ರಭಾ ನದಿಗೆ ಆಗಮಿಸಿದ್ದರು.
ಈ ವೇಳೆ ಅಚ್ಚರಿ ಎಂಬಂತೆ ಬಾರೀ ತೂಕದ ಮೀನು ಬಲೆಗೆ ಬಿದ್ದಿದೆ. ಇಷ್ಟು ತೂಕದ ಮೀನು ಘಟಪ್ರಭಾ ನದಿಯಲ್ಲಿ ಅದು ಬಲೆಗೆ ಸಿಕ್ಕಿರುವುದು, ಇದೇ ಮೊದಲು. ಹಾಗಾಗಿ ಜನರು ಬೆರಗಾಗಿದ್ದಾರೆ.
