ಮೊಸರು ಖರೀದಿಸಲು ರೈಲು ನಿಲ್ಲಿಸಿದ ಚಾಲಕ:
ಚಾಲಕ ಮತ್ತು ಸಹಾಯಕ ಅಮಾನತು
ಕರಾಚಿ: ಮೊಸರು ಕೊಳ್ಳಲು ಚಲಿಸುತ್ತಿದ್ದ ರೈಲನ್ನು ಮಾರ್ಗ ಮಧ್ಯೆ ನಿಲ್ಲಿಸಿದ್ದ ಚಾಲಕ ಮತ್ತು ಆತನ ಸಹಾಯಕನನ್ನು ಅಮಾನತುಗೊಳಿಸಿರುವ ವಿಚಿತ್ರ ಘಟನೆ ಪಾಕಿಸ್ತಾನದಲ್ಲಿ ನಡೆದಿದೆ.
ರೈಲು ಲಾಹೋರಿಗೆ ಪ್ರಯಾಣಿಸುತ್ತಿತ್ತು. ರೈಲು ಚಾಲಕ ರೈಲನ್ನು ಮಾರ್ಗಮಧ್ಯ ನಿಲ್ಲಿಸಿ ಹಳಿಯ ಬಳಿಯಿದ್ದ ಅಂಗಡಿಯೊಂದರಲ್ಲಿ ಮೊಸರು ಕೊಂಡುಕೊಂಡು ಮತ್ತೆ ರೈಲು ಹತ್ತುವ ವಿಡಿಯೊ ಅಂತರ್ಜಾಲದಲ್ಲಿ ವೈರಲ್ ಆಗಿತ್ತು.
ಈ ವೈರಲ್ ವಿಡಿಯೊ ಪಾಕ್ ರೈಲ್ವೇ ಸಚಿವರ ಗಮನಕ್ಕೆ ಬಂದಿತ್ತು. ತಕ್ಷಣವೇ ಘಟನೆಯಲ್ಲಿ ಕಂಡುಬಂದ ರೈಲು ಚಾಲಕ ಮತ್ತು ಆತನ ಸಹಾಯಕನನ್ನು ಅಮಾನತುಗೊಳಿಸಲು ಆದೇಶಿಸಿದರು.
ಇತ್ತೀಚಿಗಷ್ಟೆ ರೈಲು ಚಾಲಕರು ಪ್ರಯಾಣದ ಸಂದರ್ಭದಲ್ಲಿ ಮೊಬೈಲ್ ಬಳಸುವ ಹಾಗಿಲ್ಲ ಎನ್ನುವ ಕಾನೂನು ಜಾರಿಗೊಳಿಸಲಾಗಿತ್ತು. ರೈಲು ಅಪಘಾತ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಸರ್ಕಾರ ಈ ಕ್ರಮ ಕೈಗೊಂಡಿತ್ತು.
