ಮಂಗಳೂರು: ಇಬ್ಬರ ಬಂಧನ: 3 ಲಕ್ಷ ಮೌಲ್ಯದ 10 ಕೆಜಿ ಗಾಂಜಾ ವಶ
ಮಂಗಳೂರು: ಮೂಡುಶೆಡ್ಡೆಯ ಅದ್ಯಪಾಡಿ ಸಮೀಪದ ಫಲ್ಗುಣಿ ನದಿ ದಡದಲ್ಲಿ ಕಾವೂರು ಪೊಲೀಸರು ಇಬ್ಬರನ್ನು ಬಂಧಿಸಿ, ಇಬ್ಬರು ಯುವಕರಿಂದ 10ಕೆಜಿ ಗಾಂಜಾ ವಶಪಡಿಸಿಕೊಂಡಿದ್ದಾರೆ.
ಖಚಿತ ಸುಳಿವಿನ ಮೇರೆಗೆ ಎಸಿಪಿ ಮನೋಜ್ ಕುಮಾರ್ ಮತ್ತು ಪಿಐ ಗುರುರಾಜ್ ಮತ್ತು ಸಿಬ್ಬಂದಿ ಮೇ 30 ರಂದು ಫಲ್ಗುಣಿ ನದಿ ದಡದಲ್ಲಿ ದಾಳಿ ನಡೆಸಿ ಆಂಧ್ರಪ್ರದೇಶ ಮೂಲದ ಸಾಹಿಲ್ (19) ಮತ್ತು ಮಂಗಳೂರಿನ ಸೋಮೇಶ್ವರದ ಪಿ ಮನ್ಸೂರ್ (21) ಅವರನ್ನು ಬಂಧಿಸಿದ್ದಾರೆ.
ಬಂಧಿತರಿಂದ 10.125 ಕೆಜಿ ತೂಕದ ಮೂರು ಲಕ್ಷ ರೂ. ಮೌಲ್ಯದ ಗಾಂಜಾ ವಶಪಡಿಸಿಕೊಳ್ಳಲಾಗಿದ್ದು, ಈ ಕುರಿತು ಕಾವೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
