ನಟ ಶಾರುಖ್ ಖಾನ್ “ಮನ್ನತ್” ಬಂಗಲೆಗೆ ನುಗ್ಗಿದ ಇಬ್ಬರ ಬಂಧನ
ಮುಂಬೈ: ಬಾಲಿವುಡ್ ನಟ ಶಾರುಖ್ ಖಾನ್ ಅವರ “ಮನ್ನತ್” ಬಂಗಲೆಗೆ ನುಗ್ಗಿರುವ ಇಬ್ಬರನ್ನು ಮುಂಬೈ ಪೊಲೀಸರು ಬಂಧಿಸಿರುವ ಘಟನೆ ಗುರುವಾರ ರಾತ್ರಿ (ಮಾರ್ಚ್ 03) ನಡೆದಿರುವುದಾಗಿ ವರದಿಯಾಗಿದೆ.
ಪಶ್ಚಿಮ ಬಾಂದ್ರಾದ ಬ್ಯಾಂಡ್ ಸ್ಟ್ಯಾಂಡ್ ಪ್ರದೇಶದಲ್ಲಿರುವ ಶಾರುಖ್ ಐಶಾರಾಮಿ ಬಂಗಲೆಗೆ ಇಬ್ಬರು ಅತಿಕ್ರಮವಾಗಿ ಪ್ರವೇಶಿಸಿದ್ದು, ಇಬ್ಬರು ಆರೋಪಿಗಳು ಗುಜರಾತ್ ನ ಸೂರತ್ ಮೂಲದವರು ಎಂದು ಗುರುತಿಸಲಾಗಿದೆ.
ಗುರುವಾರ ರಾತ್ರಿ 9.30ರ ಸುಮಾರಿಗೆ ಇಬ್ಬರು ಯುವಕರು ಶಾರುಖ್ ಖಾನ್ ಅವರ ಮನ್ನತ್ ಬಂಗಲೆಯ ಮೂರನೇ ಮಹಡಿ ಬಳಿ ತಲುಪಿದ್ದ ಸಂದರ್ಭದಲ್ಲಿ ಖಾನ್ ಅವರ ಭದ್ರತಾ ಸಿಬಂದಿಗಳು ಅವರನ್ನು ಸೆರೆಹಿಡಿದಿರುವುದಾಗಿ ವರದಿ ವಿವರಿಸಿದೆ.
