ಇನ್ಮುಂದೆ ಹಳೆಯ ಐಫೋನ್‌ಗಳಲ್ಲಿ ವಾಟ್ಸ್‌ಆ್ಯಪ್ ಮೆಸೇಜಿಂಗ್ ಅಪ್ಲಿಕೇಶನ್ ಸ್ಥಗಿತ
ಬೆಂಗಳೂರು: ಜನಪ್ರಿಯ ಮೆಸೇಜಿಂಗ್ ಅಪ್ಲಿಕೇಶನ್ ವಾಟ್ಸ್‌ಆ್ಯಪ್, ಐಓಎಸ್ 10 ಮತ್ತು ಐಓಎಸ್ 11 ಬಳಸುತ್ತಿರುವ ಹಳೆಯ ಐಫೋನ್‌ಗಳಲ್ಲಿ ಮುಂದೆ ಕಾರ್ಯನಿರ್ವಹಿಸುವುದಿಲ್ಲ ಎಂದು ಹೇಳಿದೆ.
ಈ ವರ್ಷದ ಅಕ್ಟೋಬರ್ 24ರ ಬಳಿಕ, ಹಳೆಯ ಐಓಎಸ್ 10 ಮತ್ತು ಐಓಎಸ್ 11 ಬಳಸುತ್ತಿರುವ ಐಫೋನ್‌ಗಳಿಗೆ ವಾಟ್ಸ್‌ಆ್ಯಪ್ ಬೆಂಬಲ ಸ್ಥಗಿತಗೊಳಿಸುತ್ತಿದ್ದೇವೆ ಎಂದು ಮೆಟಾ ಕಂಪನಿ ಹೇಳಿದೆ. ಹೀಗಾಗಿ, ವಾಟ್ಸ್‌ಆ್ಯಪ್ ಬಳಸಬೇಕಾದರೆ, ಐಫೋನ್‌ಗಳಲ್ಲಿ ಐಓಎಸ್ 12 ಮತ್ತು ಅದರ ನಂತರದ ಐಓಎಸ್ ಆವೃತ್ತಿ ಇರಬೇಕಾಗಿದೆ.
ಹೊಸ ಆಯ್ಕೆಗಳನ್ನು ವಾಟ್ಸ್‌ಆ್ಯಪ್ ಅಪ್‌ಡೇಟ್‌ಗಳ ಮೂಲಕ ಬಳಕೆದಾರರಿಗೆ ನೀಡುತ್ತಿದೆ. ಆದರೆ ಹಳೆಯ ಆ್ಯಂಡ್ರಾಯ್ಡ್ ಮತ್ತು ಐಓಎಸ್ ಆವೃತ್ತಿ ಬಳಕೆದಾರರಿಗೆ ನೂತನ ಫೀಚರ್‌ಗಳು ಲಭ್ಯವಾಗುವುದಿಲ್ಲ.
