ಕಾಸರಗೋಡು: ವ್ಲಾಗರ್ ರಿಫಾ ಮೆಹನು ಕೊಲೆ ಶಂಕೆ: ಮೃತದೇಹ ಹೊರಕ್ಕೆ ತೆಗೆದ ಪೊಲೀಸ್

ಕಾಸರಗೋಡು: ದುಬೈನಲ್ಲಿ ನಿಗೂಢವಾಗಿ ಶವವಾಗಿ ಪತ್ತೆಯಾಗಿದ್ದ ವ್ಲಾಗರ್ ರಿಫಾ ಮೆಹನು ಸಾವು ಕೊಲೆ ಎಂದು ಶಂಕಿಸಲಾಗಿದೆ. ರಿಫಾ ಅವರ ಕುತ್ತಿಗೆಯಲ್ಲಿ ಗಾಯದ ಗುರುತುಗಳಿದ್ದವು ಎಂದು ಮರಣೋತ್ತರ ಪರೀಕ್ಷೆಯ ಪ್ರಾಥಮಿಕ ವರದಿ ತಿಳಿಸಿದೆ. ವಿವರವಾದ ಮರಣೋತ್ತರ ಪರೀಕ್ಷೆಯ ವರದಿಯನ್ನು ಎರಡು ದಿನಗಳಲ್ಲಿ ತನಿಖಾ ತಂಡಕ್ಕೆ ಹಸ್ತಾಂತರಿಸಲಾಗುವುದು.

ಮೃತದೇಹ ಕೊಳೆತು ಹೋಗದ ಕಾರಣ ಸಮಾಧಿಯಿಂದ ಹೊರ ತೆಗೆದಾಗಲೇ ಕತ್ತಿನ ಮೇಲಿನ ಗುರುತು ಗಮನಕ್ಕೆ ಬಂದಿದೆ. ವಿವರವಾದ ಪರೀಕ್ಷೆಯ ಅಗತ್ಯವಿರುವುದರಿಂದ ಮೃತದೇಹವನ್ನು ವೈದ್ಯಕೀಯ ಕಾಲೇಜು ಶವಾಗಾರಕ್ಕೆ ಸ್ಥಳಾಂತರಿಸಲಾಗಿದೆ. ಉಸಿರುಗಟ್ಟುವಿಕೆ, ತಲೆಬುರುಡೆ ಸೇರಿದಂತೆ ದೇಹಕ್ಕೆ ಹಾನಿ ಮತ್ತು ವಿಷವನ್ನು ಪರೀಕ್ಷಿಸಲು ಆಂತರಿಕ ಅಂಗಗಳನ್ನು ರಾಸಾಯನಿಕ ಪರೀಕ್ಷೆಗಳಿಗೆ ಕಳುಹಿಸಲಾಗುತ್ತದೆ.

ಮರಣೋತ್ತರ ಪರೀಕ್ಷೆ ವರದಿ ಬಂದ ನಂತರ ಅಗತ್ಯ ಬಿದ್ದರೆ ದುಬೈಗೂ ತನಿಖೆ ವಿಸ್ತರಿಸಲಾಗುವುದು. ರಿಫಾ ಮಾರ್ಚ್ 1 ರಂದು ದುಬೈನ ಫ್ಲಾಟ್‌ನಲ್ಲಿ ನೇಣು ಬಿಗಿದ ಸ್ಥಿತಿಯಲ್ಲಿ ಶವವಾಗಿ ಪತ್ತೆಯಾಗಿದ್ದರು. ರಿಫಾ ಪತಿ ಮೆಹನಾಜ್ ದುಬೈನಲ್ಲಿ ಶವ ಪರೀಕ್ಷೆ ನಡೆಸುವುದಾಗಿ ಹೇಳಿ ಸಂಬಂಧಿಕರಿಗೆ ವಂಚಿಸಿದ್ದನು. ಈ ಹಿನ್ನಲೆಯಲ್ಲಿ ಮೃತದೇಹವನ್ನು ಸಮಾಧಿ ಸ್ಥಳದಿಂದ ಹೊರತೆಗೆಯಲಾಗಿತ್ತು.