ಹಿಜಾಬ್ ನಿಷೇಧದ ಹೋರಾಟದಲ್ಲಿ ಮುಸ್ಲಿಂ ವಿದ್ಯಾರ್ಥಿನಿಯರು ಗೆಲ್ಲುತ್ತಾರೆ: ಪತ್ರಕರ್ತ ಆಕರ್ ಪಟೇಲ್
ಹೊಸದಿಲ್ಲಿ: ಹಿಜಾಬ್ ನಿಷೇಧದ ವಿರುದ್ಧ ನಡೆಯುತ್ತಿರುವ ಹೋರಾಟದಲ್ಲಿ ಮುಸ್ಲಿಂ ವಿದ್ಯಾರ್ಥಿನಿಯರಿಗೆ ಜಯ ದೊರೆಯಲಿದೆ ಎಂದು ಪತ್ರಕರ್ತ, ಆಮ್ನೆಸ್ಟಿ ಇಂಟರ್ನ್ಯಾಷನಲ್ ಇದರ ಭಾರತದ ಅಧ್ಯಕ್ಷ ಆಕರ್ ಪಟೇಲ್ ಹೇಳಿದ್ದಾರೆ.
ಖಾಸಗಿ ಸುದ್ದಿ ವಾಹಿನಿಗೆ ನೀಡಿದ ಸಂದರ್ಶನದಲ್ಲಿ ಪಟೇಲ್ ಈ ರೀತಿ ಹೇಳಿದ್ದಾರೆ.
ನೀವು ಉದಾರ ನಗರವಾದ ಬೆಂಗಳೂರಿನಲ್ಲಿ ನೆಲೆಸಿದ್ದೀರ. ಆದರೆ, ಕರ್ನಾಟಕದಲ್ಲಿ ಇತ್ತೀಚೆಗೆ ಸಂಘಪರಿವಾರದ ಗೂಂಡಾಗಳು ಮುಸ್ಲಿಂ ಯುವಕನನ್ನು ಇತ್ತೀಚೆಗೆ ಕೊಲೆಗೈದಿದ್ದರು, ಈಗ ಹಿಜಾಬ್ ಧರಿಸಿ ತರಗತಿಗೆ ಹಾಜರಾಗಲು ಬಿಡದ ಶಾಲೆ ಆಡಳಿತ ಮಂಡಳಿಯ ವಿರುದ್ಧ ಮುಸ್ಲಿಂ ವಿದ್ಯಾರ್ಥಿನಿಯರು ಪ್ರತಿಭಟನೆ ಮಾಡುವುದು ನಾವು ನೋಡುತ್ತಿದ್ದೇವೆ ಎಂದು ಸಂದರ್ಶನಕಾರರು ಕೇಳಿದ ಪ್ರಶ್ನೆಗೆ ಪಟೇಲ್ ಈ ಹೋರಾಟದಲ್ಲಿ ಜಯ ಮುಸ್ಲಿಂ ವಿದ್ಯಾರ್ಥಿನಿಯರಿಗೆ ಸಿಗಲಿದೆ ಎಂದು ಹೇಳಿದ್ದಾರೆ.
ಹಿಂಸಾಚಾರದ ಮೊದಲ ಭಾಗವು ದ್ವೇಷ-ಭಾಷಣವಾಗಿದೆ, ಅಲ್ಲಿ ನೀವು ಜನರನ್ನು ಹಿಂಸೆಯಿಂದ ಸರಿ ಮಾಡಲು ಅವರನ್ನು ಸಜ್ಜುಗೊಳಿಸಬೇಕು. ದ್ವೇಷದ ಮಾತು ಪ್ರಾಥಮಿಕ ಶತ್ರು. ಸರ್ಕಾರಕ್ಕೆ ನಾವು ಕಾನೂನಾತ್ಮಕವಾಗಿ ಒತ್ತಡ ಹೇರಬೇಕಾಗಿದೆ. ಭಾರತವು ಕಾನೂನಾತ್ಮಕವಾಗಿ ವರ್ತಿಸುವಂತೆ ಒತ್ತಾಯಿಸಲು ಜಗತ್ತನ್ನು ಕೇಳಿಕೊಳ್ಳಬೇಕಾಗಿದೆ. ಸರ್ಕಾರ ಸಾಕಷ್ಟು ಪಕ್ವವಾಗದ ಅಥವಾ ಕಾಳಜಿ ವಹಿಸದ ಜಾಗದಲ್ಲಿ ನಾವಿದ್ದೇವೆ.
ಕರ್ನಾಟಕದ ಈ ಯುವತಿಯರು ಕೇವಲ ಹಿಜಾಬ್ ಧರಿಸಲು ಹೋರಾಡುತ್ತಿಲ್ಲ, ಅವರು ‘ನಾನು ಮುಸ್ಲಿಂ ಎಂಬ ಕಾರಣಕ್ಕೆ ನನ್ನ ವಿರುದ್ಧ ತಾರತಮ್ಯ ಮಾಡಬೇಡಿ’ ಎಂದು ಹೇಳುತ್ತಿದ್ದಾರೆ. ಅದಕ್ಕೇ ಅವರು ಗೆಲ್ಲುತ್ತಾರೆ. ಹೆಚ್ಚು ಹೆಚ್ಚು ಮಹಿಳೆಯರು ‘ನಾನು ಅದನ್ನು ಧರಿಸುತ್ತೇನೆ’ ಎಂದು ಹೇಳುತ್ತಾರೆ. ಇಲ್ಲಿ ವಿಷಯವು ರಾಜ್ಯವು ನೋಡುವಂತೆ ಧಾರ್ಮಿಕ ಗುರುತಿನ ಬಗ್ಗೆ ಅಲ್ಲ. ಇದು ವೈಯಕ್ತಿಕ ಹಕ್ಕಿನ ಬಗ್ಗೆ. ಸಿಖ್ ಪೇಟ ಧರಿಸುವುದನ್ನು ನಾವು ತಡೆಯುವುದಿಲ್ಲ, ಹಾಗಾದರೆ ಮುಸ್ಲಿಂ ಮಹಿಳೆ ಸ್ಕಾರ್ಫ್ ಧರಿಸುವುದನ್ನು ಏಕೆ ನಿಲ್ಲಿಸಬೇಕು? ಎಂದು ಪಟೇಲ್ ಪ್ರಶ್ನಿಸಿದ್ದಾರೆ.
