ನಟ ಅಮಿತಾಭ್ ಬಚ್ಚನ್ ತಮ್ಮ ದೆಹಲಿ ಮನೆ ಮಾರಾಟ ಮಾಡಿದ್ದು ಎಷ್ಟು ಕೋಟಿ ರೂಪಾಯಿಗೆ ಗೊತ್ತೇ?
ಬೆಂಗಳೂರು: ಬಾಲಿವುಡ್ ಮೆಗಾಸ್ಟಾರ್ ಅಮಿತಾಭ್ ಬಚ್ಚನ್, ತಮ್ಮ ದೆಹಲಿ ಮನೆಯನ್ನು ಮಾರಾಟ ಮಾಡಿದ್ದಾರೆ.
ದಕ್ಷಿಣ ದೆಹಲಿಯ ಗುಲ್‌ಮೊಹರ್ ಪಾರ್ಕ್‌ನಲ್ಲಿದ್ದ ‘ಸೋಪಾನ್‘ ಹೆಸರಿನ ಮನೆಯನ್ನು ಅಮಿತಾಭ್ ₹23 ಕೋಟಿಗೆ ಮಾರಾಟ ಮಾಡಿದ್ದಾರೆ.
ಅಮಿತಾಭ್ ಬಚ್ಚನ್ ಅವರ ತಂದೆ, ಪ್ರಸಿದ್ಧ ಕವಿ ಹರಿವಂಶ್ ರಾಯ್ ಬಚ್ಚನ್ ಮತ್ತು ತಾಯಿ ತೇಜಿ ಬಚ್ಚನ್ ಅವರು ಈ ಮನೆಯಲ್ಲಿ ಬಹಳಷ್ಟು ಸಮಯ ವಾಸವಿದ್ದರು.
ಹರಿವಂಶ್ ರಾಯ್ ಅವರು ಇದೇ ಮನೆಯಲ್ಲಿ ಕವಿಗೋಷ್ಠಿಗಳನ್ನು ಕೂಡ ಆಯೋಜಿಸುತ್ತಿದ್ದರು. ಎರಡು ಅಂತಸ್ತಿನ ಮನೆ ಇದಾಗಿದ್ದು, ಅಮಿತಾಭ್ ಅವರ ತಾಯಿಯ ಹೆಸರಿನಲ್ಲಿ ನೋಂದಣಿಯಾಗಿತ್ತು.
