ಸುಳ್ಯ: ಪ್ರತಿದಿನ ವೆಬ್ಸೈಟ್ ವರದಿಗೆ ಸ್ಪಂದಿಸಿದ ಇಲಾಖೆ

ಸುಳ್ಯ: ಪೈಚಾರು ಬಳಿ ಶಾಂತಿನಗರಕ್ಕೆ ಸಂಪರ್ಕಿಸುವ ರಸ್ತೆಯ ಸಮೀಪ ಅಪಾಯಕಾರಿ ಗುಡ್ಡೆಯಿಂದ ಮುಂಬಾಗದಲ್ಲಿ ಬರುವ ವಾಹನವು ಕಾಣದೆ ಅಪಘಾತಕ್ಕೆ ಕಾರಣವಾಗುತ್ತಿದ್ದವು. ಅನೇಕ ವಾಹನ ಸವಾರರು ತಮ್ಮ ಕೈ ಕಾಲುಗಳನ್ನು ಅಪಘಾತದ ಮೂಲಕ ಜಖಂಗೊಳಿಸಿ ಕೊಂಡಿದ್ದರು.

ಈ ಘಟನೆಯ ಬಗ್ಗೆ ನಮ್ಮ ಪ್ರತಿದಿನ ವೆಬ್ ಸೈಟಿನ ಸುಳ್ಯದ ವರದಿಗಾರರು ಆರು ತಿಂಗಳುಗಳಿಂದ ಸತತವಾಗಿ ಮೂರು ಬಾರಿ ವೆಬ್ಸೈಟಿನಲ್ಲಿ ವರದಿ ಮಾಡಿ ಈ ಭಾಗದಲ್ಲಿ ಉಂಟಾಗುವ ಅಪಘಾತಗಳನ್ನು ಮತ್ತು ಪರಿಸರದಲ್ಲಿ ಇದ್ದ ಗುಡ್ಡೆಯ ತೆರವುಗೊಳಿಸುವ ಬಗ್ಗೆ ಸಂಬಂಧಿಸಿದ ಅಧಿಕಾರಿಗಳ ಗಮನಕ್ಕೆ ತರಲಾಗಿತ್ತು. ಅದೇ ರೀತಿ ಜನಜಾಗೃತಿಯನ್ನು ಮೂಡಿಸಲಾಗಿತ್ತು.

ಇದೀಗ ಎಚ್ಚೆತ್ತ ಇಲಾಖೆ ಕಳೆದ ಒಂದು ವಾರದಿಂದ ಈ ಭಾಗದ ಗುಡ್ಡೆಯನ್ನು ತೆರವುಗೊಳಿಸಿ ಮುಂದೆ ಉಂಟಾಗ ಬಲ್ಲ ಅನೇಕ ವಾಹನ ಅಪಘಾತಗಳನ್ನು ತಡೆದು ವಾಹನ ಸವಾರರ ಪ್ರಾಣವನ್ನು ರಕ್ಷಿಸುವಲ್ಲಿ ಸಹಕಾರಿ ಆಗಿದ್ದಾರೆ. ಈ ಮಣ್ಣಿನ ಗುಡ್ಡೆಯ ತೆರವಿಗಾಗಿ ಸುಳ್ಯದ ಪೈಚಾರು ಅಸ್ತ್ರ ಸ್ಫೋರ್ಟ್ಸ್ ಕ್ಲಬ್, ಹಾಗೂ ಸ್ಥಳೀಯ ಯುವಕರು ಅನೇಕ ಬಾರಿ ಸಂಬಂಧಿಸಿದ ಇಲಾಖೆಗಳಿಗೆ ಮನವಿಯನ್ನು ಮಾಡಿದ್ದರು.