ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದ ಪುರಾತನ ಗೋಡೆ ಗಡಿಯಾರದಲ್ಲಿ ಬಚ್ಚಿಟ್ಟಿದ್ದ 40 ಲಕ್ಷದ ಡ್ರಗ್ಸ್ ವಶ
ಬೆಂಗಳೂರು: ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದ ಪುರಾತನ ಗೋಡೆ ಗಡಿಯಾರದಲ್ಲಿ ಬಚ್ಚಿಟ್ಟಿದ್ದ 40 ಲಕ್ಷ ರೂಪಾಯಿ ಮೌಲ್ಯದ ಅರ್ಧ ಕೆಜಿ ಆಂಫೆಟಮೈನ್ ಮತ್ತು ಆಮದು ಮಾಡಿಕೊಂಡ ಸುಮಾರು 6 ಕೋಟಿ ರೂಪಾಯಿ ಮೌಲ್ಯದ ಸಿಗರೇಟ್ಗಳನ್ನು ಇತ್ತೀಚೆಗೆ ಕಂದಾಯ ಗುಪ್ತಚರ ನಿರ್ದೇಶನಾಲಯ (ಡಿಆರ್ಐ) ಬೆಂಗಳೂರು ಘಟಕವು ಎರಡು ಪ್ರಮುಖ ವಶಪಡಿಸಿಕೊಂಡಿದೆ.
ಖರ್ಜೂರವನ್ನು ಸಾಗಿಸುವ ಮತ್ತು ದುಬೈನಿಂದ ಟುಟಿಕೋರಿನ್ ಬಂದರಿನಲ್ಲಿ (ತಮಿಳುನಾಡು) ಬರುತ್ತಿದ್ದ ಕಂಟೈನರನ್ನು ಗುಪ್ತಚರ ಸುಳಿವು ನೀಡಿದ ನಂತರ ವಶಪಡಿಸಿಕೊಳ್ಳಲಾಗಿದೆ.
ಆಂಫೆಟಮೈನ್ ಅನ್ನು ಸೌದಿ ಅರೇಬಿಯಾದ ಜೆಡ್ಡಾಕ್ಕೆ ಉದ್ದೇಶಿಸಲಾಗಿತ್ತು. ಪುರಾತನ ಗಡಿಯಾರದೊಳಗೆ ಪುಡಿ ರೂಪದಲ್ಲಿ ಮರೆಮಾಚಲಾಗಿತ್ತು. ನಾವು ಕಳೆದ ಮಾರ್ಚ್ 4ರಂದು ವಿಮಾನ ನಿಲ್ದಾಣದೊಳಗಿನ ಕೊರಿಯರ್ ಸಂಗ್ರಹಣಾ ಕೇಂದ್ರದಲ್ಲಿ ರವಾನೆಯನ್ನು ನಿಲ್ಲಿಸಿದ್ದೇವೆ ಎಂದು ನಂಬಲರ್ಹ ಮೂಲಗಳು ತಿಳಿಸಿವೆ.
ಬೆಂಗಳೂರಿನಿಂದ ಬುಕ್ಕಿಂಗ್ ಅನ್ನು ಕಾಲ್ಪನಿಕ ಹೆಸರು ಮತ್ತು ವಿಳಾಸಗಳಲ್ಲಿ ಮಾಡಲಾಗಿದೆ. ನಾರ್ಕೋಟಿಕ್ ಡ್ರಗ್ಸ್ ಮತ್ತು ಸೈಕೋಟ್ರೋಪಿಕ್ಸ್ ಕಾಯ್ದೆಯಡಿ ಪ್ರಕರಣ ದಾಖಲಿಸಲಾಗಿದೆ. ಇನ್ನೊಂದು ಪ್ರಕರಣದಲ್ಲಿ ಬೆಂಗಳೂರು ಘಟಕದಿಂದ ಅತಿ ಹೆಚ್ಚು ಸಿಗರೇಟ್ ವಶಪಡಿಸಿಕೊಳ್ಳಲಾಗಿದ್ದು, ದುಬೈನಿಂದ ತೂತುಕುಡಿ ಬಂದರಿಗೆ ಬರುತ್ತಿದ್ದ ಕಂಟೈನರ್ನಿಂದ ವಿವಿಧ ಬ್ರಾಂಡ್ಗಳ ಒಟ್ಟು 4 ಲಕ್ಷ ರೂಪಾಯಿ ಮೌಲ್ಯದ ಆಮದು ಮಾಡಿದ ಸಿಗರೇಟ್ ಸ್ಟಿಕ್ಗಳನ್ನು ವಶಪಡಿಸಿಕೊಳ್ಳಲಾಗಿದೆ.
