ಎಲ್ಲ ಮಾದರಿಯ ಕ್ರಿಕೆಟಿಗೆ ವಿದಾಯ ಘೋಷಿಸಿದ ವಿ.ಆರ್‌. ವನಿತಾ
ಹೊಸದಿಲ್ಲಿ: ಎಂಟು ವರ್ಷಗಳ ಹಿಂದೆ ಭಾರತದ ಮಹಿಳಾ ಕ್ರಿಕೆಟ್‌ ತಂಡವನ್ನು ಪ್ರತಿನಿಧಿಸಿದ ಆರಂಭಿಕ ಆಟಗಾರ್ತಿ ವಿ.ಆರ್‌. ವನಿತಾ ಎಲ್ಲ ಮಾದರಿಯ ಕ್ರಿಕೆಟಿಗೆ ವಿದಾಯ ಘೋಷಿಸಿದರು.
ಮೂಲತಃ ಕರ್ನಾಟಕದವರಾದ ವೆಲ್ಲ ಸ್ವಾಮಿ ರಾಮು ವನಿತಾ 2014-16ರ ಅವಧಿಯಲ್ಲಿ ಭಾರತದ ಪರ 6 ಏಕದಿನ ಮತ್ತು 16 ಟಿ20 ಪಂದ್ಯಗಳನ್ನಾಡಿದ್ದರು. ಏಕದಿನದಲ್ಲಿ 85 ರನ್, ಟಿ20ಯಲ್ಲಿ 216 ರನ್ ಮಾಡಿದ್ದರು. 2014ರಲ್ಲಿ ಶ್ರೀಲಂಕಾ ವಿರುದ್ಧದ ವಿಶಾಖಪಟ್ಟಣ ಏಕದಿನ ಪಂದ್ಯದಲ್ಲಿ ಮೊದಲ ಸಲ ಭಾರತವನ್ನು ಪ್ರತಿನಿಧಿಸಿದ್ದರು.
