ಭಾರತೀಯ ವಾಯುಪಡೆಯ ‘MiG-29’ ಫೈಟರ್ ಜೆಟ್ ಪತನ
ಲಕ್ನೋ: ಭಾರತೀಯ ವಾಯುಪಡೆಯ MiG-29 ಫೈಟರ್ ಜೆಟ್ ಸೋಮವಾರ ಆಗ್ರಾ ಬಳಿ ಪತನಗೊಂಡಿದೆ. ಐಎಎಫ್ ಮಿಗ್ -29 ವಿಮಾನವು ಇಂದು ತನ್ನ ದಿನನಿತ್ಯದ ತರಬೇತಿಯ ಸಮಯದಲ್ಲಿ ಆಗ್ರಾ ಬಳಿ ತಾಂತ್ರಿಕ ತೊಂದರೆ ಕಾಣಿಸಿಕೊಂಡು ಪತನಗೊಂಡಿದೆ.
ಪತನಕ್ಕೂ ಮುನ್ನ ಜನರಿಗೆ, ಆಸ್ತಿ ಪಾಸ್ತಿಗೆ ಹಾನಿಯಾಗದಂತೆ ಪೈಲೆಟ್ ಎಚ್ಚರ ವಹಿಸಿದ್ದಾರೆ. ಅಪಘಾತದ ಕಾರಣ ತಿಳಿಯಲು ತನಿಖೆಗೆ ಆದೇಶಿಸಲಾಗಿದೆ ಎಂದ ಭಾರತೀಯ ವಾಯುಪಡೆ ಹೇಳಿಕೆಯಲ್ಲಿ ತಿಳಿಸಿದೆ.
