ಎಐಕೆಎಂಸಿಸಿ ವತಿಯಿಂದ ನಿಯೋಗ ಕಣಚೂರು ಆಸ್ಪತ್ರೆಯ MD.ಅಬ್ದುರ್ರಹ್ಮಾನ್ ರವರನ್ನು ಭೇಟಿ
ಮಂಗಳೂರು: ಆಲ್ ಇಂಡಿಯಾ ಕೇರಳ ಮುಸ್ಲಿಂ ಕಲ್ಚರಲ್ ಕಮಿಟಿ ವತಿಯಿಂದ ನಿಯೋಗ ಮಂಗಳೂರಿನ ಕಣಚೂರು ಆಸ್ಪತ್ರೆಗೆ ಭೇಟಿ ನೀಡಿ ಸಂಸ್ಥೆಯ ಮಾಲಕರಾದ ಅಬ್ದುಲ್ ರಹಿಮಾನ್ ರವರಲ್ಲಿ ಬಡ ಮತ್ತು ಅನಾಥ ರೋಗಿಗಳಿಗೆ ಚಿಕಿತ್ಸೆಗೆ ನೆರವಾಗುವಂತೆ, ಹಾಗೂ ವೈದ್ಯಕೀಯ ವೆಚ್ಚದಲ್ಲಿ ಬಡವರಿಗೆ ರಿಯಾಯಿತಿ ನೀಡಿ ಸಹಕರಿಸುವಂತೆ ಮನವಿ ಮಾಡಿಕೊಂಡರು.
ಇದಕ್ಕೆ ಸ್ಪಂದಿಸಿದ ಎಂ ಡಿ ರವರು ಸಂಪೂರ್ಣ ಸಹಕಾರ ನೀಡಿರುವುದಾಗಿ ಭರವಸೆ ನೀಡಿದ್ದಾರೆ ಎಂದು ಸಂಘಟಕರು ತಿಳಿಸಿದ್ದಾರೆ.
ನಿಯೋಗದಲ್ಲಿ ಡಾ.ಎ.ಕೆ.ಶಪೀಲ್, ಸಂಘಟನೆಯ ದಕ್ಷಿಣ ಕನ್ನಡ ಜಿಲ್ಲಾ ಕೋಶಾಧಿಕಾರಿ ಕತ್ತರ್ ಇಬ್ರಾಹಿಂ ಹಾಜಿ ಮಂಡೆಕೋಲು , ಮುಖಂಡರುಗಳಾದ ಸಯ್ಯದ್ ಅಫ್ಹಾಂ ಅಲಿ ತಂಙಳ್, ಕಲಂದರ್ ಎಲಿಮಲೆ, ಹನೀಪ್ ತೋಡಾರ್ ಮೊದಲಾದವರು ಉಪಸ್ಥಿತರಿದ್ದರು.
