ಫಿಫಾ ವಿಶ್ವಕಪ್: ಚಾಂಪಿಯನ್ ಪಟ್ಟ ಅಲಂಕರಿಸಿದ ಅರ್ಜೆಂಟೀನಾ
ದೋಹಾ: ಅತ್ಯಂತ ರೋಚಕವಾಗಿ ನಡೆದ ಫಿಫಾ ವಿಶ್ವ ಕಪ್ ಫೈನಲ್ ಪಂದ್ಯದಲ್ಲಿ ಫ್ರಾನ್ಸ್ ತಂಡವನ್ನು ಸೋಲಿಸಿದ ಅರ್ಜೆಂಟೀನಾ ತಂಡ ಚಾಂಪಿಯನ್ ಪಟ್ಟ ಅಲಂಕರಿಸಿತು. ಪಂದ್ಯದ ಪೂರ್ಣ ಅವಧಿ 90 ನಿಮಿಷ ಹಾಗೂ ಹೆಚ್ಚುವರಿ 30 ನಿಮಿಷಗಳ ಆಟದಲ್ಲಿ ಇತ್ತಂಡಗಳು 3-3 ಗೋಲ್ಗಳನ್ನು ಬಾರಿಸಿದ ಕಾರಣ ಪೆನಾಲ್ಟಿ ಮೊರೆ ಹೋಗಲಾಯಿತು.
ಅಲ್ಲಿ 4-2 ಗೋಲ್ಗಳ ಅಂತರದಿಂದ ಗೆದ್ದ ಅರ್ಜೆಂಟೀನಾ ತಂಡ ವಿಜಯೋತ್ಸವ ಆಚರಿಸಿತು.
ಫೈನಲ್ ಎಂಬ ಘನತೆಗೆ ತಕ್ಕುದಾಗಿ ಹೋರಾಟ ನಡೆಯಿತು. ಅರ್ಜೆಂಟೀನಾ ತಂಡದ ಮೊದಲಾರ್ಧದಲ್ಲಿ ಎರಡು ಗೋಲ್ ದಾಲಿಸಿದರೆ, ಫ್ರಾನ್ಸ್ ಬಳಗ ದ್ವಿತೀಯಾರ್ಧದಲ್ಲಿ ಸತತವಾಗಿ ಎರಡು ಗೋಲ್ ಬಾರಿಸಿತು. ಅರ್ಜೆಂಟೀನಾ ತಂಡದ ನಾಯಿಕ ಲಿಯೋನೆಲ್ ಮೆಸ್ಸಿ (23ನೇ ನಿಮಿಷ), ಏಂಜೆಲೊ ಡಿ ಮಾರಿಯಾ (36ನೇ ನಿಮಿಷ) ಗೋಲ್ಗಳನ್ನು ಬಾರಿಸಿದರೆ, ಫ್ರಾನ್ಸ್ ತಂಡದ ಕೈಲಿಯಾನ್ ಎಂಬಾಪೆ 80 ಹಾಗೂ 81ನೇ ನಿಮಿಷದಲ್ಲಿ ಗೋಲ್ ಬಾರಿಸಿ ಸಮಬಲದ ಸಾಧನೆ ಮಾಡಿದರು. ಬಳಿಕ ನಡೆದ 30 ನಿಮಿಷಗಳ ಹೆಚ್ಚುವರಿ ಆಟದಲ್ಲಿ ಅರ್ಜೆಂಟೀನಾ ಪರ ಲಿಯೋನೆಲ್ ಮೆಸ್ಸಿ 108ನೇ ನಿಮಿಷದಲ್ಲಿ ಗೋಲ್ ಬಾರಿಸಿದರೆ, ಎಂಬಾಪೆ 118 ನೇ ನಿಮಿಷದಲ್ಲಿ ಯಶಸ್ಸು ಸಾಧಿಸಿದಿರು.
