ಕತ್ರಿನಾ ಕೈಫ್ ಕೆನ್ನೆಯಂತೆ ನಯವಾದ ರಸ್ತೆಗಳನ್ನು ಮಾಡುತ್ತೇನೆ: ಸಚಿವ ರಾಜೇಂದ್ರ ಗುಧಾ
ಜೈಪುರ: “ನೋಡುತ್ತಾ ಇರಿ. ನಮ್ಮ ತಾಲೂಕಿನ ರಸ್ತೆಗಳನ್ನು ಹೇಗೆ ಮಾಡಿಸುತ್ತೇವೆ ಅಂತ. ಸದ್ಯದಲ್ಲೇ ಅವು ಬಾಲಿವುಡ್ ನಟಿ ಕತ್ರಿನಾ ಕೈಫ್ರ ಕೆನ್ನೆಯಂತೆ ನಯವಾಗಿರಲಿವೆ’- ಹೀಗೆಂದು ರಾಜಸ್ಥಾನದ ನೂತನ ಸಚಿವ, ಗುಧಾ ಕ್ಷೇತ್ರದ ಶಾಸಕ ರಾಜೇಂದ್ರ ಗುಧಾ, ತಮ್ಮ ಕ್ಷೇತ್ರದ ಜನರಿಗೆ ಆಶ್ವಾಸನೆ ನೀಡಿದ್ದಾರೆ!
ಮುಖ್ಯಮಂತ್ರಿ ಅಶೋಕ್ ಗೆಹ್ಲೋಟ್ ರ ಸಂಪುಟ ಪುನಾರಚನೆ ವೇಳೆ, ಅವರು ಸಚಿವರಾಗಿ ಪ್ರಮಾಣ ಸ್ವೀಕರಿಸಿದ ಬಳಿಕ ಮೊದಲ ಬಾರಿಗೆ ಸ್ವಕ್ಷೇತ್ರಕ್ಕೆ ಆಗಮಿಸಿದ್ದರು.
ಈ ಸಂದರ್ಭದಲ್ಲಿ ರಸ್ತೆಗಳ ದುಃಸ್ಥಿತಿ ಬಗ್ಗೆ ಸಾರ್ವಜನಿಕರು ಪ್ರಸಾವಿಸಿದಾಗ ಅವರು ಹೀಗೆ ಉತ್ತರಿಸಿದರು. ಅದಕ್ಕೆ ಬೆಂಬಲಿಗರಿಂದ ಚಪ್ಪಾಳೆಯ ಸ್ವಾಗತವೂ ಸಿಕ್ಕಿದೆ.
