ಲಿಂಬೆ ಹಣ್ಣಿನ ದರದಲ್ಲಿ ಭಾರೀ ಏರಿಕೆ
ವಿಜಯಪುರ: ಈ ಬಾರಿಯ ಬೇಸಿಗೆಯಲ್ಲಿ ಲಿಂಬೆ ಹಣ್ಣಿಗೆ ಮಾರುಕಟ್ಟೆಯಲ್ಲಿ ಭಾರೀ ಬೇಡಿಕೆ ಬಂದಿದ್ದು, ದರವು ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಿದೆ. ಲಿಂಬೆ ಬೆಳೆಗಾರರು ಖುಷಿಯಾಗಿದ್ದಾರೆ.
ರಾಜ್ಯದ ‘ಲಿಂಬೆ ಕಣಜ’ ಎಂದೇ ಪ್ರಸಿದ್ಧವಾದ ವಿಜಯಪುರ ಜಿಲ್ಲೆಯಲ್ಲಿ ವಾರದ ಸಂತೆಗಳಲ್ಲಿ ದೊಡ್ಡ ಗಾತ್ರ ಲಿಂಬೆ ₹ 20ಕ್ಕೆ ನಾಲ್ಕರಂತೆ ಮತ್ತು ಸಣ್ಣ ಗಾತ್ರದ ಲಿಂಬೆ ₹ 20ಕ್ಕೆ ಆರರಂತೆ ಮಾರಾಟವಾಗುತ್ತಿದೆ.
ಹಿಂದಿನ ವರ್ಷಗಳಲ್ಲಿ 40 ಕೆ.ಜಿ. ತೂಕದ ಒಂದು ಡಾಗ್ (1,100 ಲಿಂಬೆ ಕಾಯಿಗಳಿರುವ ಒಂದು ಚೀಲ) ಕನಿಷ್ಠ ₹ 3 ಸಾವಿರದಿಂದ ಗರಿಷ್ಠ ₹ 4 ಸಾವಿರಕ್ಕೆ ಮಾರಾಟವಾಗುತ್ತಿತ್ತು. ಸದ್ಯ ಒಂದು ಡಾಗ್ಗೆ ಕನಿಷ್ಠ ₹ 4 ಸಾವಿರದಿಂದ ಗರಿಷ್ಠ ₹ 7 ಸಾವಿರಕ್ಕೆ ದರ ಏರಿದೆ.
